نصائح ليك وليها

بسم الله الرحمن الرحيم

اولا نقول حاجة ناخد عليها حسنات :)

استغفر الله العظيم الذى لا اله الا هو الحى القيوم واتوب اليه

سبحان الله

الحمدلله

لا اله الا الله

الله اكبر

حلو كدة ندخل فى الموضوع بقة

طبعا فى كتير من المخطوبين وحتى المتجوزين بيعانوا من مشكلة انهم مشش فاهمين بعض ومش  عارفين يتعاملوا مع بعض ازاى ومش بيبقوا قادرين يقولوا ده لاى حد بس ان شاء الله بعد الموضوع ده المشكلة دى تقل شوية

بالنسبة للراجل :

• بدل ما تشتكى منها احتويها ، التثبيت بيعمل مفعول ولا السحر ، لو كسبت قلبها هتعيش ملك .

• هى بتحب الهدايا جدا بتحس انك فاكرها وانها فى قلبك ، لو عايز تحافظ على حبها ليك افتكرها ولو بوردة .

• لما تقدملها مساعدة خصوصا لو من غير ماتطلبها  منك ده هيوصلها احساس بالحب والتواصل والجمال .

• تقديرك ليها واعترافك بحقوقها عليك وحقوقها  فى المجتمع هيديها احساس بقيمتها وتقابلك بحب وتقدير اكبر .

• لو لقيتها زعلانة خليك جنبها ، دعمك وقربك هيطلعها من مشاكلها ، سيبها تحكى لغاية ماترتاح ، هترجعلك احسن من الاول .

• هى محتاجة لحبك ودعمك ، عايزة تحس بتقديرك ليها وتعبك علشانها ، تأكدلها بالقول والفعل انك بتحبها ، وانها اهم شخص  فى حياتك .

• رعايتك ليها مهمة جدا ، ابتداء من توفير احتياجاتها الاساسية لغاية الدلع ، الحنية مفتاح القلب .

• التغيير اللى بييجى بعد قسوة  وضغط غالبا بيتقلب لنتايج عكسية ، لو عايز نتيجة فى صالحك اقبلها زى ما هى هتلاقيها علطول فى سلام معاك .

• متألش ابدا عن واجبااتها ، دور على حقوقها ، لو اخدت حقوقها هتعمل واجباتها بالفطرة .

• هى بتحكيلك علشان عايزة تفضفض وترتاح ، مش عايزة احكام مسبقة ولا حلول ، سيبها تحكى من غير ماتقاطعها وهى لوعايزة استشارة هتقولك .

لسه هنكمل الموضوع

انتظرونا